Alda Klosi ballafaqohet me pastruesen Dobi në prokurori, zbardhen dëshmitë e dhëna

Alda Klosi dhe sanitarja e saj Rozeta Dobi, janë shoqëruar këtë të mërkurë në Prokurorinë e Tiranës, ku janë ballafaquar në lidhje me deklarimet e dhëna pas arrestimit

Mësohet se Alda Klosi dhe sanitarja i kanë qëndruar besnike dëshmive që kanë dhënën më herët.

Ish-zyrtarja  ka vendosur t’i qëndrojë versionit të saj të mëparshëm, se në shtëpinë e saj janë vjedhur 120 mijë euro 30 mijë dollarë dhe disa bizhuteri, të cilat i justifikon si të xhaxhait të saj.

Sakaq sanitarja tha se paratë janë të ish-zyrtares së lartë dhe ato së bashku inskenuan vjedhjen.

Pas ballafaqimit ato janë rikthyer sërish në ambientet e burgut të grave në pritje të procesit gjyqësor.

Alda Klosi është pronarja e banesës, në të cilën sanitarja Rozeta Dobi dhe djali i saj Havier Dobi grabitën një shumë rreth 120 mijë euro.

Vjedhja në banesën e ish-zyrtares së lartë ndodhi më 15 dhjetor të vitit 2022.

Pas raportimin në polici të vjedhjes dhe kontrolleve të kryera në banesën e nënë e bir, u gjetën rreth 405 mijë euro, 8500 dollarë dhe aksesorë floriri, të cilat dyshohet gjithashtu se janë vjedhur nga pastruesja Rozeta Dobi.

Ka qenë vetë Klosi ajo që ka bërë denoncimin në polici, teksa ka pretenduar se paratë ishin të një personi të afërt të saj i cili do të kurohej për një sëmundje të rëndë.

Vjedhja e banesës është kryer me çelësin që ka pasur pastruesja e shtëpisë, e cila ka shfrytëzuar momentin kur në banesë nuk ka pasur njeri. Ajo së bashku me të birin pasi kanë vjedhur shumën e parave kanë bërë rrëmujë në dhomën e gjumit për të humbur gjurmët.

E gjitha u bë me qëllimin e inskenimit të një skeme sikur banesa kishte rënë pre e grabitjes nga autorë të tjerë.

Ende nuk është arritur të provohet se kujt i përket shuma prej 405 mijë euro dhe 8500 dollarë të cilat u gjetën në tubin e aspirimit në banesën e sanitares Dobi.

LEXONI GJITHASHTU:

• “Kam mamanë sëmurë” Gjykata refuzon kërkesën e Klosit dhe e lë në burg, flet avokati
• Apartament dhe garazh, sekuestrohen pasuritë e Alda Klosit