Ali Ahmeti pas takimit me Ramën: Diskutuam për anëtarësimin në BE

Kryetari i Partisë Bashkimi Demokratik për Integrim, Ali Ahmeti foli për mediat  pas darkës që kryeministri Edi Rama shtroi për liderët politikë shqiptarë në RMV.

Ahmeti u shpreh se vëmendja u përqëndrua te zhvillimet e përbashkët dhe anëtarësimin e Shqipërisë dhe RMV-së në BE.

Sipas tij, të  dyja vendet duhet të koordinohen.

“E tërë vëmendja u përqëndrua te zhvillimet e përbashkëta, te rrugëtimi i përbashkët që ka bërë Shqipëria dhe Maqedonia e Veriut drejt hapjes së negociatave për anëtarësiom në BE. Pati një ligjërim nga kryeministri i Shqipërisë, për sfidat, për përpjekjet e përbashkëta që janë bërë, bashkë me vendin tonë, si dhe përpjekja që duhet bërë tani drejt hapjes së kapitullit të parë për anëtarësim në BE.

Puna e lodhshme që është lënë pas krahëve, parashikimi është që shumë më e vështirë do jetë rruga tani dhe vështirësitë që na presin përpara. Të dyja vendet duhet të koordinohen”, theksoi ai ndër të tjera.