Alibeaj dhe Tabaku kërkojnë të ngrihet një Komision Përbashkues i PD

Deputetët Jorida Tabaku dhe Enkelejd Alibeaj kërkojnë që të ngrihet një Komision Përbashkues i PD-së për të kapërcyer situatën në të cilën ndodhet partia.

“Duhet një substancë bashkimi e sinqertë. PD nuk mund të ngjitet pas Berishës. Basha tha se është i gatshëm të marrë vendimin më të mirë për PD-në”, u shpreh Alibeaj në mbledhjen e sotme të Grupit Parlamentar të PD-së.

Po kështu, edhe deputetja Tabaku tha se duhet të gjendjet një mënyre sesi faktorët në PD të bashkohen dhe te ecin përpara.

“Besoj se ne duhet te ishim sot në protestë. Ata presin që ne të jemi përballë Edi Ramës, jo njëri-tjetri. Na kanë votuar për alternativë qeverisëse dhe ne duhet te jemi një alternative e tillë. Ne duhet të jemi një parti që mbështet qytetarët, të jemi në terren. Te jemi të thjeshtë, se jemi për herë të tretë në qeveri”, u shpreh ajo.