Alibeaj në Kuvend: Do ta shohim Serbinë vetëm përmes syve të Kosovës

Kreu i grupit parlamentar të Partisë Demokratike, Enkelejd Alibeaj në fjalën e tij në mbledhjen e përbashkët të kuvendeve të Kosovës dhe Shqipërisë, nënvijëzoi faktin se në çdo takim me partnerët ndërkombëtarë Kosova, dhe moscenimi i sovranitetit dhe integritetit të saj, ka qenë kryefjala e PD.

Alibeaj u shpreh se PD, edhe pse në mosdakordësi të plotë me qeverinë aktuale në Tiranë, PD ka votuar e mbështetur pa asnjë dilemë, çdo nisme që shkon në mbështetje apo me pjesëmarrjen e Kosovës.

Ai theksoi faktin se PD do ta shohë Serbinë vetëm përmes syve të Kosovës dhe se është kundër nismës Ballkani i Hapur si një projekt që nuk garanton gjithëpërshirjen.

“Në mbështetje e në shërbim të të vërtetës historike të shqiptarëve në Kosovë, ne si PD, kemi depozituar në parlamentin e Shqipërisë, dhe jemi ende në pritje të shqyrtimit në seancë të Projekt-Rezolutes për të dënuar Genocidin Serb në Kosovë. Kundërshtitë tona energjike ndaj një projekti si ish-minishengen apo Open Ballkan, i cili së fundmi edhe nga parlamenti evropian në dokumentin e strategjisë se zgjerimit u vlerësua me rezerva kundërshtuese, si i papërputhshëm me normat evropiane dhe që nuk garanton gjithëpërfshirje. Kundërshtitë tona për këtë projekt kanë qenë mbi të gjitha, se Kosova kurrë nuk e pranoi, se ky ishte e mbetet një projekt që e fut çështjen e Kosovës dhe rolin e shqiptarëve në Ballkan në një rrugë të dyshimtë e të paqartë”, tha Alibeaj.

LEXONI GJITHASHTU:

• ‘Ti shndërrojmë kufijtë në formalë’, mesazhi i Nikollës në mbledhjen e 2 Kuvendeve
• Konjufca: Serbia po na lufton nga brenda dhe jashtë, na duhet Shqipëria