Deputeti i Partisë Demokratike, Enkelejd Alibeaj i ka kërkuar kryeministrit Edi Rama që të flasë për personat nga rradhët e Partisë Socialiste, të cilët janë shpallur ‘non grata’ nga Departamenti amerikan i Shtetit.
Gjatë fjalës së tij në Kuvend, Alibeaj kërkoi nga Rama shpjegime në lidhje me arrestimin e ish-kryebashkiakut të Vorës, Agim Kajmaku.
“Prapë nuk ktheve përgjigje për Agim Kajmakun. E ke mbrojtur, ia ke fshehur drejtësisë. Bëhu burrë njëherë më në fund. Fol për ‘non grata-t’ e tua. I ke me shumicë në grupin tënd. Gjysmë zëri nuk ke nxjerrë për raportin e DASH. Ta ka thënë në shqip, ta ka thënë edhe në anglisht. Jo vetëm kaq, por del i mbron dhe bashkon votat me ta. Kujtohu se çfarë ke thënë një vit më parë”, theksoi deputeti demokrat.
Alibeaj nënvizoi se vettingu i politikanëve vijon të mbetet në “sirtaret” e Kuvendit, teksa shtoi se Ramës nuk i intereson që ky proces të realizohet.
LEXONI GJITHASHTU
- Rama i drejtohet deputetëve të PD-së: Po ju ndodh ajo që keni merituar
- Rama i përgjigjet Tabakut: S’i kemi dhënë asnjë qindrakë Becchetti-t
- Çuçi thirrje opozitës: Të bashkohemi për t’ua hequr pasuritë kriminelëve
