Alibeaj: Zgjidhja jemi ne, as Rama, as Berisha që u fut te sqetulla e Metës

Enkelejd Alibeaj ka mbajtur fjalën e tij në takimin me strukturat e Partisë Demokratike në Gjirokastër, aty ku solli në vëmendje jo vetëm fillimin e fushatës por situatën ku ndodhet PD sot, Gjirokastra dhe gjithë vendi.

Ai renditi një sërë arsyesh që i detyrojnë shqiptarët të largohen, duke bërë fajtor Ramën dhe qeverisjen e tij. Sipas Alibeajt çmimet, mungesa e rendit, siguria, ekonomia dhe mungesa e shtetit i detyrojnë qytetarët të emigrojnë.

Pavarësisht kësaj, Alibeaj tha se qytetarëve iu duhet dhe një alternativë që të shkojnë të votojnë. Sipas tij, vetëm PD mund të jetë alternativë dhe askush tjetër, as Rama, as Meta e as Berisha që siç u shpreh Alibeaj, kanë asfiksuar politikën.

“Berisha shkoi dhe u regjistrua dhe u fut nën sqetullën e Ilir Metës, një parti e majtë. Dhe nuk ka mëkat më të madh politikë për demokratët, ata të cilët në 90-ën besonin që ishin një parti komuniste, kundër së majtës, kundër vesit të asaj kohe, t’i marrësh dhe t’i çosh dhe t’i hipësh në një anije që nuk është anija e demokratëve. E quaj shpesh unë, anija e piratëve. Socialistët e Metës e kanë treguar që thjesht vetëm janë pazarxhinj politikë. Ku është pushteti, shkojnë pas një herë me PS-në, një herë me PD-në. Bëhej pazar këtu, bëhej pazar atje. Më fal po, shqiptarët nuk janë budallenj,” – tha Alibeaj.

LEXONI GJITHASHTU:

• Porositë e Alibeajt për fushatën: Duhet ta përçojmë fjalën derë më derë
• Gazetari zbulon bashkinë ku Enkelejd Alibeaj mund të marrë më shumë vota se Berisha