Gazetari zbulon bashkinë ku Enkelejd Alibeaj mund të marrë më shumë vota se Berisha

Gazetari Ardit Hoxha, zbuloi në Euronews Albania bashkinë e vetme ku sipas tij Partia Demokratike do të mund të marrë më shumë vota se kandidatët e koalicionit “Bashkë Fitojmë”.

Hoxha tha se PD mund të tejkaloj në numër votash kandidatët e primareve vetëm në Mallakastër. Dhe kjo sipas tij vjen nga reputacioni që gëzon kandidati për bashkinë e Mallakastrës në radhët e PD-së, Agron Kapllanaj.

“Vetëm në një vend ka bërë Enkelejd Alibeaj miting, ka bërë ditën e djeshme në Fier. Edhe aty unë kam dyshimet e mia nëse pjesëmarrja e qytetarëve ka qenë për faktin se Enkelejd Alibeaj është deputet i qarkut, por mendoj se është për shkak të personave që mbështesin zotin Alibeaj në atë qark. Njëri nga këta që mund të jetë shumë influent është kandidati i Mallakastrës, zoti Kapllanaj. Ai mund të jetë ndër të paktët eksponent të PD-së që ka një mbështetje të fortë. Nëse do të bëja një parashikim, në të gjitha bashkitë që kandidon Alibeaj, ndoshta Mallakstra ose dhe ndonjë bashki tjetër më e vogël, Alibeaj mund të marrë më shumë vota se sa kandiodatët e koalicionit “Bashkë Fitojmë”. Në të gjitha qytetet e tjera PS e di që kundërshtarin e ka me siglën e koalicionit “Bashkë Fitojmë”, tha Hoxha.

LEXO GJITHASHTU:

• “Portat e hapura”| Këlliçi: Vilat e vjetra do të kthehen në atraksione turistike
• Nënkalim te sheshi ‘Skënderbej”, Këlliçi prezanton planin për trafikun në Tiranës
• “Bashkë Fitojmë” në zgjedhje me emrin e Metës, Mediu zbulon qëndrimin e tij