Alma Lama: SHBA tha hapur se kërkuan më shumë kohë për targat

Analistja nga Kosova Alma Lama thotë se Shtetet e Bashkuara të Amerikës qartësisht i kërkuan qeverisë së Kosovë zgjatjen e afatit kohor për targat me Serbinë, gjë që qeverisë nuk i kushtonte gjë ta pranonte.

Në një intervistë për Euronews Albania, Lama u shpreh se ajo që kërkohet nga SHBA është më shumë hapësirë kohore për të provuar, duke pasur parasysh situatën, luftën në Ukrainë.

Sipas saj nisur nga kjo sitiuatë është e rëndësishme që edhe qeveria e Kosovës të shohë pak më gjerë se interesat ditore.

“Ndoshta vendimi i Kurtit ka një strategji, shpresoj të ketë për të fitua diçka më shumë në lidhje me dialogun po gjërat s’po duken kështu, pasi ka një konfrontim verbal mes qeverisë dhe SHBA, që e tha qartësisht se kërkonte një afat kohor, ndaj qeveria nuk humbte gjë nëse e përmbushte”, tha Lama.

LEXONI GJITHASHTU:

• Bislimi: Targat nuk janë më pjesë e dialogut, por vendim që po zbatohet
• Ushtria serbe në gjendje gatishmërie, pas vendimit të qeverisë së Kosovës për targat