Altin Hazizaj i përgjigjet Akil Panos: Ka një sulm nga feja kundër emancipimit

Altin Hazizaj, aktivist i shoqërisë civile tha se mënyra se si feja i trajton shpesh çështjet shoqërore, janë shkelje e të drejtave të njeriut dhe sulm i qartë i fesë kundër shoqërisë civile.

Në Emisionin “Now” me Erla Mëhillin, zoti Hazizaj foli se si e sheh përfshirjen e fesë në shoqëri.

“Ka një tendencë regresive në Shqipëri që të drejtat e njeriut në vend që të progresojnë si të paktën në Europë, kanë tendencën që të goditen nga elemente shpesh të lidhura ngushtësisht me fenë apo të financuara nga feja, ose të drejtuara nga feja”, tha Altin Hazizaj aktivist i shoqërisë civile.

Ai shtoi se ka pabarazi dhe qasje negative ndaj hapësirës civile.

“ka një pabarazi në këtë mes që pa diskutim e sjell në axhendën tonë publike; ndikon në mënyrë të hapur negative në zvogëlimin e hapësirës civile”, tha ai.

LEXONI GJITHASHTU: 

• “Prindi 1” dhe “Prindi 2”, Akil Pano: Fëmija do jetë gjithmonë në kërkim të nënës dhe babait në mungesë