Ambasadori amerikan në Beograd, Christopher Hill deklaroi se tejkalimi i mosmarrëveshjes për ri-regjistrimin e automjeteve nuk do të kontribuojë në zgjidhjen e çështjeve kyçe mes Kosovës dhe Serbisë.

Sipas tij, Serbia ka të drejtë të pyesë se çfarë do të ndodhë me komunitetin serb në Kosovë

“Serbia ka të drejtë të pyesë se çfarë do të ndodhë me komunitetin serb në Kosovë, nëse serbët mund të ndihen rehat në Kosovë, nëse mund të ndihen të mbështetur dhe të mbrojtur nga ligji, nëse mund ta ruajnë identitetin e tyre. Këto janë pyetje me rëndësi kyçe dhe në kuptimin që çështja e Kosovës do të ndërkombëtarizohet dhe komuniteti serb nuk do të harrohet”, theksoi ai, shkruan Euronews Serbia.

Nga e marta autoritetet në Kosovë do të zbatojnë vendimin e qeverisë për konvertimin shkallë – shkallë të targave të makinave të lëshuara nga Serbia, ndërsa ministria e Punëve të Brendshme paralajmëroi gjoba deri në 150 euro pas datës 21 nëntor për ata që kanë makina me targa të lëshuara nga Serbia.

Sipas ministrisë, nga data 21 Janar 2023, ata duhet të pajisen me targa të përkohshme, ndërsa pas datës 21 prill 2023 nuk do të lejohet lëvizja e tyre brenda territorit të Kosovës.

LEXONI GJITHASHTU

• Gjermania kërkon që Serbia të zgjedhë mes BE-së dhe Rusisë

• Tronditet Kosova, kërcënon Beogradi| Pse u vendos ushtria në Mitrovicë?
• Ushtria serbe në gjendje gatishmërie, pas vendimit të qeverisë së Kosovës për targat