Ambasadori amerikan në Kosovë konfirmon largimin nga detyra të Grabriel Escobar

Ambasadori amerikan në Kosovë Jeff Hovenier ka konfirmuar largimin e Gabriel Escobar nga detyrën e tij si Përfaqësues Special i Sekretarit të Shtetit për Ballkanin Perëndimor.

Përmes një postimi në Facebook të ambasadës së SHBA në Kosovë, Hovenier falenderon Escobar “për përkushtimin e tij të palodhshëm për avancimin e vizionit tonë për një Kosovë të sigurt, të begatë dhe demokratike dhe rajon të Ballkanit Perëndimor”.

“Ndërsa miku dhe kolegu im Gabriel Escobar përfundon detyrën e tij si Përfaqësues Special i Sekretarit të Shtetit për Ballkanin Perëndimor, i uroj atij sukses në detyrën e tij të radhës. Unë kam qenë i nderuar të punoj me të për të avancuar qëllimet e SHBA-së në Kosovë dhe në Dialogun e BE-së. Falenderoj për përkushtimin e tij të palodhshëm për avancimin e vizionit tonë për një Kosovë të sigurt, të begatë dhe demokratike dhe rajon të Ballkanit Perëndimor”, thuhet në mesazhin e Hovenier.

LEXONI GJITHASHTU:

• O’Brien, Escobar e Lajçak koordinojnë strategjitë për dialogun Kosovë-Serbi
• DASH hedh poshtë pretendimet për shkarkimin e të dërguarit Escobar si “të rreme”