Ambasadori gjerman në Prishtinë: Masat për targat të shtyhen për 12 muaj 

Masat e marra nga institucionet e Prishtinës për targat janë legjitime, por ai proces duhet të shtyhet për 12 muaj, tha ambasadori gjerman në Kosovë, Jern Rode.

Në një intervistë për RTK-në, ai ka folur edhe për çështjen ZSO, duke thënë se ajo duhet të formohet në përputhje me Kushtetutën e Kosovës. Rode shtoi se e di se ka analistë që pretendojnë se ky është krijimi i Republikës Srpska në Kosovë, por ai ka theksuar se ky nuk është qëllimi.

“Ka disa marrëveshje që duhet të zbatohen, por brenda kornizës së Kushtetutës ose nuk duam t’i zbatojmë. Megjithatë ka marrëveshje që duhet të zbatohen dhe kjo vlen edhe për targat”, theksoi ai.

Duke folur për propozimin franko-gjerman, Rode deklaroi se propozimet duhet të pranohen nga palët në bisedime dhe se duhet të arrihen kompromise në dialog në favor të qytetarëve.

“Ne bëjmë propozime dhe ato mund të pranohen ose jo”, tha ambasadori dhe shtoi se mesazhi i Gjermanisë është pikërisht se duhet të bëhen kompromise.

Me rastin e samitit të Procesit të Berlinit, ai deklaroi se ishte një ditë e mirë për Ballkanin Perëndimor dhe Evropën dhe se me tre marrëveshjet e nënshkruara tashmë është siguruar lëvizja e lirë e njerëzve dhe janë njohur kualifikimet.

LEXONI GJITHASHTU:

• Nis procesi i Berlinit, të pranishëm liderët e rajonit
• Procesi i Berlinit| Von der Leyen: Rrisim integrimin ekonomik, fillojmë me energjinë
• Procesi i Berlinit, Scholz pret liderët e 6 vendeve të Ballkanit Perëndimor