Ambasadori gjerman: Targeti i riciklimit në Shqipëri është i ulët, mbetjet të ndahen

Ambasadori gjerman në Shqipëri, Peter Zingraf, ka qenë i pranishëm në Forumin e Menaxhimit të Integruar të Mbetjeve dhe Ekonomisë Qarkulluese.

Në fjalën e tij, Zingraf theksoi se menaxhimi i mbetjeve është një strategji kombëtare e detyrueshme, për të ndjekur rrugën e futjes së Shqipërisë në BE.

Më tej, ambasadori gjerman nënvizoi se menaxhimi i mbetjeve është përmirësuar gjatë viteve të fundit, por nuk është mbuluar tërësisht riciklimi i mbetjeve, i cili do të reduktojë kostot.

“Menaxhimi i mbetjeve është një temë e rëndësishme për Shqipërinë, për rrugën e saj drejt BE-së. Ekonomia qarkulluese është një nga shtyllat kryesore të  rritjes së gjelbër në BE dhe është diçka që mund të arrihet përmes burimeve jeshile.

Shqipëria e ka vendosur veten në objektiva afatgjatë për të arritur në sistemin modern të menaxhimit të mbetjeve. Legjislacioni prezent aktual nuk është në përputhshmëri me ndryshimet e direktivës së BE-së në sektorin përkatës. Këto janë modifikuar në 2008. Ju e bëni për Shqipërinë dhe jo për të ndjekur disa rregulla të Brukselit. Nëse reduktoni mbetjet, keni kursyer për shpenzuar për shkollat dhe spitalet.

Me nisjen e bisedave për hyrjen në BE, menaxhimi i mbetjeve do të jetë një strategji kombëtare, e detyrueshme për këtë rrugë. Menaxhimi i mbetjeve është përmirësuar gjatë viteve të fundit, por nuk është mbuluar tërësisht riciklimi i mbetjeve që do të reduktojë kostot. Targeti i riciklimit është i ulët dhe nuk është përcaktuar një synim kombëtar, dhe kjo është ajo që duam të arrijmë. Duhet implementuar në të gjithë nivelet e administratës. Mbetjet duhet të ndahen dhe duhet të ndryshojmë konsumin tonë.”- tha ai.

LEXONI GJITHASHTU: 

• Nesër nis regjistrimi i popullsisë në Serbi, thirrje shqiptarëve të marrin pjesë
• Regjistrimi i popullsisë në Serbi, Saliu: Procesi do kryhet në çdo shtëpi