Ambasadori i SHBA-së në Kombet e Bashkuara: Nuk ka luftë në Venezuelë

Ambasadori amerikan në Kombet e Bashkuara, Mike Walz, tha sot në seancën e jashtëzakonshme të Këshillit të Sigurimit të OKB-së mbi Venezuelën se “nuk ka luftë” në atë vend pas sulmit nga Shtetet e Bashkuara të Amerikës dhe arrestimit të Presidentit venezuelian Nicolás Maduro dhe gruas së tij Cilia Flores. 

“Ne nuk po e pushtojmë vendin. Ky ishte një operacion i zbatimit të ligjit për të çuar përpara paditë ligjore që kanë qenë në fuqi për dekada të tëra”, tha Walz, duke argumentuar se kishte precedent për këtë lloj veprimi pasi SHBA-të kapën ish-liderin panamez Manuel Noriega në vitin 1989, raportoi Guardian.

Walz pretendon se “provat e padiskutueshme” të krimeve të Maduros do të “paraqiten publikisht në procedurat gjyqësore të SHBA-së”. 

Ai kujton se Maduro akuzohet për narkoterrorizëm dhe importimin e kokainës dhe tregtisë së armëve.

“Maduro nuk është vetëm një trafikant i akuzuar droge. Ai ishte një i ashtuquajtur president i paligjshëm”, thotë Volz.

Ai përsëriti se Presidenti i SHBA-së, Donald Trump, i dha një shans diplomacisë.

“Ai i ofroi Maduros disa oferta për të ulur tensionet. Maduro refuzoi t’i pranonte ato”, tha Walz.