Ambasadori Italian nga Elbasani: Zgjedhjet duhet të jenë ditë feste, shmangni konfliktet

Pas ambasadores amerikane dhe atij të Britanisë së Madhe, edhe ambasadori italian, Fabrizio Bucci ka vizituar sot qytetin e Elbasanit.

Ai u takua me përfaqësuesit e partive politike ne këtë qytet dhe me prefektin e Elbasanit. Në një komunikim që pati me mediat gjatë vizitës në këtë qytet, ambasadori italian u shpreh se dita e zgjedhjeve duhet të jetë një ditë triumfi e demokracisë ku qytetarët të vendosin për atë që do t’i qeverisë 4 vitet e ardhshme dhe jo një moment përplasjeje.

Ambasadori Bucci ka kërkuar nga palët që të shmangin konfliktet dhe të mos pranohet që të ketë degradim deri në përplasje fizike.