Ambasadori slloven: Shqipëria të tregojë durim për integrimin, s’ndahet nga RMV

“Shqipëria të tregojë durim për integrimin, s’ka ndarje nga RMV”. Kështu u shpreh ambasadori i Sllovenisë në Shqipëri, Peter Japelj.

“Në fillim, ishte diskutimi nëse Maqedonia e Veriut duhet të ndahej nga Shqipëria, ndërsa sot është e kundërta. Në mendojmë sërish që kjo nuk është ide e mirë, për një sërë arsyesh. Kështu që mendoj se duhet ende pak durim”, deklaroi ai për emisionin ‘Mirëmengjes’ në Euronews Albania.

Ambasadori nënvizon se Konferenca e Parë Ndërqeveritare do të mbahet së shpejti.

“Siç e përmenda dhe më parë, znj. Lührmann ishte shumë e qartë kur tha se pret që konferenca e parë ndërqeveritare do të mbahet së shpejti. Ky nuk është më rasti në fjalë dhe shpresoj që do të vijmë në një zgjidhje të kësaj. Në terma afatgjatë, nëse nuk zgjidhjet kjo situatë atëherë duhet të nisim këtë debat në mënyrë që të gjejmë një zgjidhje. Por ajo që është e rëndësishme në fund të ditës është rezultati. Pra, është një proces i gjatë”, shprehet ai.