Ambasadori Soreca mbikëqyr votimin elektronik në njësinë 10 në Tiranë

Kreu i Delegacionit të Bashkimit Evropian, Luigi Soreca ka vizituar një qendër votimi në njësinë numër 10 në Tiranë ku po përdoret për herë të parë votimi elektronik.

Z. Soreca pyeti komisionerët nëse kishin pasur probleme me përdorimin e pajisjes si dhe u interesua edhe për pjesëmarrjen e deri tanishme në procesin zgjedhor.

“Ne do të shikojmë punën tuaj dhe procesin dhe dëshiroj që ta dini se ka shumë njerëz që po e ndjekin procesin”, u shpreh ambasadori.

Luigi Soreca tha se vëzhguesit e BE do të jenë të pranishëm në të gjithë vendin.