Në zgjedhjet e 14 majit rreth 5 mijë të dënuar dhe të paraburgosur do të kenë mundësi të votojnë.

“Ministria e Drejtësisë dhe Drejtoria e Burgjeve kanë marrë të gjitha masat për të garantuar të drejtën e votës për të gjithë të paraburgosurit dhe të dënuarit që kemi aktualisht në institucionet tona. Garantimin që secili prej tyre të jetë i pajisur me kartë identiteti. Pavarësisht se nga vjen një i burgosur, ai do të jetë pjesë e listës zgjedhore e bashkisë ku vuan dënimin”, tha Manja .

Ndërsa pas përfundimit të zgjedhjeve pritet të ketë amnisti.

“Një nga arsyet që edhe shtymë amnistinë ishin zgjedhjet për të shmangur çdo lloj alibie. Pas zgjedhjeve drejtoria e përgjithshme e burgjeve do përgatisë një draft të ligjit për amnistinë”, u shpreh ai.

Ministri Manja theksoi se burgjet janë në limitet e kapaciteteve të tyre dhe një nga arsyet që do të ketë amnisti ka të bëj me uljen e mbipopullimit.

LEXONI GJITHASHTU:

• Ylli Manjani: Partitë politike në Shqipëri financohen nga krimi e droga
• Manja zbulon emrat e kandidatëve të PS për qarkun Lezhë