Analistët krahasojnë të dhënat, sondazhi i Euronews Albania përkon me rezultatin e KQZ-së

Autori i emisionit “Me pak fjalë”, Neritan Sejamini solli në vëmendje sondazhin e Euronews Albania në bashkëpunim me kompaninë MRB, i cili është shumë i ngjashëm me rezultatet e Shqipërisë sot.

Gazetari i Euronews Albania, Sonil Frashëri sqaroi më anë të grafikëve se Partia Socialiste sot është 48.6% ndërkohë që në sondazhin e fundit u parashikua të dilte me 48.5% në rang kombëtar. Ndërkaq, Partia Demokratike sot është 39.5% dhe në sondazh parashikohej të ishte 41.5%.

Rezultatet brenda marzhit të gabimit dhe shumë afër rezultateve konkrete, sollën dhe komente në studion e Ilva Now nga analistët e ftuar.

“Ju duhet të keni pasur akses në sistemin e patronazhistëve, nuk ka mundësi. Komplimente për këtë sondazh” – tha deputeti, Ralf Gjoni.

Autori i “Me pak fjalë” përmendi punën e jashtëzakonshme që është bërë në katër muaj me kompaninë MRB dhe Euronews Albania për të arritur në një sondazh i cili ishte real dhe i saktë.

Ndërkaq analisti, Redi Shehu komplimentoi sondazhin teksa theksoi rezultati i tij ka skanuar një rezonancë fantastike elektorale sesi Partia Demokratike ka arritur në atë pikë që është sot.

LEXONI GJITHASHTU: 

• Sondazhi i fundit i Euronews Albania dhe MRB qëllon në shenjë rezultatin e zgjedhjeve
• Skenarët se si opozita mund të kishte marrë më shumë mandate
• Analistët diskutojnë gjetjet e sondazhit të fundit të MRB dhe Euronews Albania