Analisti: Koka e “Marrëveshjes së Ohrit” një serb, Beogradi vëllai i madh i Shkupit

Në një intervistë në emisionin Balkan Talks me moderatorin Franko Egro në Euronews Albania, drejtori ekzekutiv i shoqatës për “Përparim Demokratik”, Sefer Selimi, ka folur mbi zgjedhjet e së dielës në Maqedoninë e Veriut dhe marrëdhëniet e këtij shteti me Serbinë.

Selimi ndaloi veçanërisht te roli i zëvendëskryeministrit aktual të Maqedonisë së Veriut, Ivan Stojkovic, i cili sipas tij është në mënyrë ironike në krye të ministrisë që ka për qëllim zbatimin e “Marrëveshjes së Ohrit”.

“Nuk është tragjike që është një serb në krye të implementimit të Marrëveshjes së Ohrit, absolutisht. Po ky është bashkëpunëtor i ngushtë i Vulin, që është promotor i botës serbe. Stojkovic dhe Vulin janë të paktët që ftohet nga Putini në Konferencën e Sigurisë që ftohen në Kremlin. Maqedonia pas viteve ’45 ka pasur një përplasje nëse do jetë pro bullgare apo serbe. Tito ka vendosur rrënjë të thella për t’i orientuar drejt Beogradit, që ka pasur pushtet të madh mbi Maqedoninë. Beogradi ka qenë vëllau i madh i Shkupit në kuadër të politikave.” – u shpreh Selimi.

Ai theksoi gjithashtu se këto ndikime nuk janë vetëm histori, por vazhdojnë të ndihen edhe sot, përmes figurave politike që kanë lidhje të ngushta me Moskën dhe promovimin e interesave serbe në rajon.

LEXONI GJITHASHTU:

• Ndikimi rus në zgjedhjet lokale në Maqedoni të Veriut i kufizuar, por me rreziqe
• Himarë/ Shpërthen një granatë dore në ullishten e tij, plagoset i moshuari