Himarë/ Shpërthen një granatë dore në ullishten e tij, plagoset i moshuari

Një ngjarje e rëndë është shënuar këtë të shtunë në lagjen “Livadhë” të Himarës, ku një 85-vjeçar ka mbetur i plagosur si pasojë e shpërthimit të një granate dore. Sipas informacioneve paraprake, shtetasi me inicialet K. K., teksa po punonte në ullishten e tij, ka pësuar dëmtime në këmbë nga shpërthimi i papritur i një granate, e cila dyshohet se ka qenë e fshehur në rrënjët e një ulliri.

I moshuari është transportuar menjëherë në Spitalin Rajonal të Vlorës, ku ndodhet jashtë rrezikut për jetën.

Ndërkohë, në vendngjarje kanë mbërritur forcat e policisë dhe grupi hetimor, të cilët po punojnë për të sqaruar rrethanat e plota të incidentit dhe për të zbuluar origjinën e lëndës shpërthyese.

LEXONI GJITHASHTU:

• Moti i keq, Kapiteneria e Vlorës pezullon daljen në det të mjeteve të vogla
• Publikohen listat e votuesve për zgjedhjet e pjesshme në Vlorë