Publikohen listat e votuesve për zgjedhjet e pjesshme në Vlorë

Në kuadër të zgjedhjeve të pjesshme vendore që do të mbahen më 9 nëntor, janë publikuar zyrtarisht listat e zgjedhësve për qytetin e Vlorës.

Sipas raportimeve, dokumentet janë firmosur nga kryetari i Bashkisë, Elis Halili, dhe tashmë janë shpërndarë në të gjitha qendrat e votimit. Çdo qytetar i Vlorës ka mundësinë të verifikojë emrin e tij në listat e afishuara fizikisht në ambientet e qendrave të votimit.

Sipas burimeve zyrtare nga zyra e gjendjes civile në Vlorë, listat e këtij procesi zgjedhor nuk kanë ndryshime të mëdha krahasuar me ato të zgjedhjeve të përgjithshme të mbajtura më 11 maj. Kjo tregon për një vazhdimësi në përbërjen e listave, ndonëse ndonjë ndryshim minimal është i pritshëm për shkak të lëvizjeve të brendshme të popullsisë dhe ndryshimeve në regjistrimet civile.

Duke qenë se bëhet fjalë për një proces të pjesshëm dhe me afate të shkurtra kohore, autoritetet kanë bërë të ditur se do të ketë në dispozicion vetëm një ekstrakt të listës së zgjedhësve, i cili do të shërbejë si bazë për procesin e votimit.

LEXONI GJITHASHTU:

• Pretendimi i PD për fletët e votimit, KAS do hapë nesër 4 kuti në qarkun Vlorë