Analisti: Protesta të gabuara! PD të fokusohet në 4-5 bashki

Analisti Medlir Mema në një intervistë për Euronews Albania nga SHBA, tha se fakti që Partia Demokratike është e përçarë e minon plotësisht mesazhin që ajo kërkon të japë përmes protestave.

Mema u shpreh se Berisha dhe PD duhet të ulen me këmbë në tokë dhe të kuptojnë se në aspektin elektoral PD ka shkuar nga disfatë në disfatë duke humbur.

“S’e di në çfarë realitet jeton PD se në aspektin elektoral kanë shkuar nga disfata në disfatë. Kemi të bëjmë me një makineri elektorale të fuqishme të Ramës. Ai ka krijuar një përbindësh elektoral. Opozita duhet ta nisë nga A, e para bashkimi im opozitës, që nuk më duket se ka gjasa të ndodhë së afërmi; e dyta në këto kushte të përqendrohet në 4-5-6 bashki ku historikisht ka pasur mbështetje për të dhënë një mesazh ndaj popullit. Mungesa në zgjedhjet e fundit i jep Berishës një mesazh pozitiv”, tha Mema.

LEXONI GJITHASHTU:

• Berisha thërret protestën kombëtare ditën kur Gjykata do vendosë kujt “i takon” PD
• Plani për protestën e të enjtes, Berisha: Jemi në hapat e para të mosbindjes civile