Analisti serb mbron Kurtin: Lajçaku ka bërë shumë gabime

Analisti serb Dushan Janjiç ishte këtë të mërkurë i ftuar në Euronews Albania ku ka komentuar situatën mes Serbisë dhe Kosovës.

Ndër të tjerat ai ka komentuar edhe qëndrimin e Albin Kurtit, kryeministrit të Kosovës kundrejt të dërguarit të Bashkimit Europian, Miroslav Lajçak.

Ai tha se kryeministri Kurti po përpiqet t’i kalojë përgjegjësitë e tij te Lajçak, por edhe ky i fundit nga ana e tij ka bërë shumë gabime. Analisti shtoi se parë nga perspektiva e serbëve, Lajçak po mban anën e Kurtit.

“Kurti po përpiqet t’i kalojë përgjegjësitë e tij te Lajçak. Por nga ana tjetër Lajçak ka bërë shumë gabime. Nga perspektiva e serbëve ai mban anën e Kurtit, këtu dhe për shumë muaj të tjerë më parë”,-tha analisti serb.

LEXONI GJITHASHTU:

• Vjosa Osmani takon Sekretarin Blinken, çfarë diskutuan
• Zelensky në Këshillin e Sigurimit: I jam mirënjohës Shqipërisë për këtë takim