Andi Bushati: Ardi Veliu është sjellë si bandit, ushtar partie veshur me kapele policie

Analisti Andi Bushati thotë se kryeministri Edi Rama po bën një “pastrim” të figurës së Ardi Veliut si Drejtor i Policisë së Shtetit duke e përcjellë me lavde largimin nga detyra.

Bushati e cilëson “një shkarkim” më shumë se sa një dorëheqje me vullnet të lirë të Veliut, duke kujtuar se njëjta histori ka ndodhur dhe me ministrat nga Kosova në qeverinë “Rama”.

“Ardi Veliu në krye të Policisë së Shtetit është sjellë si një bandit. E ka përdorur policinë si mashë politike të PS. Është sejllë si bandit pasi ka tejkaluar kompetencat e policisë në dhunë ne ushtruar ndaj qytetarëve. E ka përdorur policinë si makineri falsifikimi provash”, shprehet Bushati.

Sipas analistit, Veliu “ka qenë shumë larg profilit të një polici korrekt, ka qenë ushtar partie i veshur me kapele policie” ndaj fjalët e mira të kryeministri Rama në largimin e tij i konsideron si false.