Analisti Andi Bushati e konsideron si një gabim politik, deklaratën e kryetarit të Partisë Demokratike, Sali Berisha i cili këshilloi ish-kryedemokratin Lulzim Basha, që të mos jetë i pranishëm në protestën e 7 korrikut.
Në emisionin “Shock” në “Euronews Albania”, Bushati tha se kjo deklaratë mund të ndikojë negativisht te njerëzit dhe vjen në një moment kur Berisha ka shpallur edhe hapjen e PD-së.
“Mund të quhet një deklaratë e sinqertë e Berishës, megjithëse sinqeriteti dhe Berisha rrallë shkojnë paralel me njëri-tjetrin. Por nga ana tjetër, është një deklaratë e gabuar. E sinqertë sepse dihet që përkrahësit e Berishës dhe ata të paktë të Bashës dihen që nuk shkojnë.
Por them e gabuar politikisht, në një moment kur Berisha po shpall hapjen, ku po thotë që në këtë protestë ne do ngremë frontin e shpëtimit të Shqipërisë nga një rrezik kombëtar, në një moment kur thotë le të jetë shoqëria civile. Të duash të ngresh këtë ansambël që është shumë më i madh se një pari poltike apo se PD-ja dhe ndërkohë t’i japësh njerëzve sinjalin që ne edhe me njëri-tjetrin nuk e kemi gjetur fjalën, atëherë kjo krijon një mesazh të dyfishtë”, theksoi Bushati.
Ndërsa, analisti Baton Haxhiu deklaroi se Berisha ka për qëllim që me protestën e 7 korrikut, të paralamërojë kryeministrin Edi Rama se nuk do të ketë qetësi gjatë qeverisjes së tij.
LEXONI GJITHASHTU