“Komiteti besoj do mblidhet po deri tani nuk na ka thirrur njeri për lehtësimin e masave për COVID në kufi”. Kështu deklaroi në emisionin “Mirëmëngjes”, Shef i Laboratorit të Mikrobiologjisë, Andi Koraqi.
“Sistemi shëndetësor është plotësisht i lehtësuar. Janë të paktë ata që kërkojnë ndihmë mjekësore. Mund të përdoren masa lehtësuese, por vendimi i takon anëtarëve të Komitetit”, tha ai.
Mjeku nënvizoi se është ende herët të thuhet se beteja më COVID-19 ka përfunduar. Ai shprehet se ulja e infektimeve lidhet kryesisht me vaksinimin.
“Nuk duhet të relaksohemi se COVID-19 është larguar. Është në qarkullim virusi Omicron BA.2, por asnjëherë OBSH nuk e ka hequr vëmendjen nga ky virus. Nuk dihet akoma se çfarë pritet nga ky virus”, u shpreh Koraqi.
LEXONI GJITHASHTU:
- Ulen infektimet me COVID dhe vdekjet, njofton OBSH
- 79 të infektuar, asnjë humbje jete nga COVID-19 në Shqipëri
