Gratë e njohura presin flokët live, për herë të parë në një televizion në Shqipëri

Gratë në mbarë botën po bashkohen në protestë kundër qeverisë iraniane duke prerë flokët.

Nismës i janë bashkuar edhe gratë shqiptare. Mëngjesin e ditës së sotme, ish-ministrja Nora Malaj, doktoreshë Senera Hoxha dhe aktivistja e shoqërisë civile në Kosovë Mimoza Gavrani kanë prerë flokët live në emisionin “Good Morning Albanians” në Euronews Albania.

Ato u shprehën se rasti  i 22-vjeçares në Iran i ka sensibilizuar për të bërë një gjest simbolik në kuadër të asaj që quhet liria e paqes dhe e drejta e njeriut.

“Kjo ngjarje na ka sensibilizuar brenda vetes për të bërë një gjest simbolik në kuadër të asaj që quhet liria e paqes dhe e drejta e njeriut”- tha Nora Malaj.

“Duke parë një solidaritet si rrallë herë mes grash nga e gjithë bota, mendoj se duhet t’i bashkohesha edhe unë kësaj kauze për lirinë e grave që po vriten nga policia e moralit”- theksoi Senera Hoxha.

Teksa ka folur për rastin e vajzës në Iran, në një moment Nora Malaj është përlotur.

“Kauza nuk është vetëm e grave por edhe e shoqërisë, mendoj se roli i gruas është edhe i nënës e motrës; është një rol shumë i rëndësishëm në edukimin e familjes. Prehri i nënës është prehri i ngrohtë ku ti gjen zgjidhje në situata të vështira. Shoqëria është ende shumë larg asaj që ne duam të ndërtojmë.”- tha ajo.

Protestat nisën pas vdekjes së Mahsa Amini, e cili u arrestua dhe u dhunua për vdekje nga policia morale iraniane pasi kishte veshur keq hixhabin.

LEXONI GJITHASHTU:

• Zgjerohen protestat në Iran, studentëve iu bashkohen edhe punonjësit e rafinerive
• Protestat në Iran hyjnë në javën e katërt