West Ham është kampioni i Conference League, ndërsa mposhti në finale skuadrën e Fiorentinës. Anglezët u treguan të saktë në rastet e krijuara, edhe pse skuadra violë zhvilloi një paraqitje më të mirë, duke qarkulluar më tepër topin e sulmuar portën kundërshtare. Pjesa e parë do të mbyllej pa gola dhe me vetëm një goditje të West Ham, ndërsa në të dytën intensiteti do të ishte më i lartë, me sduadrat që i shkonin më pranë trofeut.
Rezultati do të zhbllokohej në minutën e 62’, aty ku Benhrama ekzekutoi saktë një 11 metërsh duke kaluar në avantazh të tijët. 5 minuta më pas, Bonaventura solli barazpeshën në fushën e lojës. Kur gjithcka u duk se do të vendosej në shtesë, ishte sulmuesi Boëen ai i cili në minutën e 90 shënoi golin e dytë për West Hamin, duke vrarë përfundimisht shpresat e italianëve.
5 minutat shtesë nga gjyqtar i katërt nuk dhanë asgjë më tepër vecse aksione sulmuese të pakonkretizuara të Fiorentinës. West Ham është fitues i edicionit të dytë të Conference League, ndërsa kujtojmë se i pari u fitua nga Roma, në Tiranë. Ky është trofeu i tretë europian i fituar nga anglezët, ndërsa 2 të parët nuk ishin të së njëjtës rëndësi.
LEXO GJITHASHTU: