Anglia ndërmerr ndryshime në sistemin VAR, çfarë shtohet pas 1 janarit

Nga muaji janar, çdo vendim që një gjyqtar në futbollin anglez merr, krahas kapitenëve të ekipeve, do të duhet që vendimin që merr pas rishikimit të sistemit VAR ta bëjë të ditur edhe për tifozët. Ky është vendimi i fundit i marrë nga Federata e Futbollit, e cila bën me dije se ndryshimi hyn në fuqi që në muajin janar, gjatë përballjeve të Carabao Cup. Kjo do të thotë që, në momentet kur ka rishikim të VAR, arbitri, nëpërmjet altoparlantëve, do të duhet të njoftojë tifozët për arsyen e kontrollit të video-asistentit, si dhe për vendimin që merret, duke listuar arsyet.

Kjo metodë është aplikuar tashmë në MLS, ku gjyqtari kryesor i takimit njofton gjithë stadiumin për vendimin që merr, ndërsa në ligat kryesore evropiane kjo gjë nuk ndodh. Aty komunikimi bëhet vetëm mes palëve, gjyqtarit dhe kapitenëve të skuadrave. Më 7 dhe 8 janar, kur zhvillohen gjysmëfinalet e Carabao Cup, pritet që kjo risi të aplikohet, për të parë nëse është e suksesshme, dhe, në rast se po, do të shtrihet më gjerë në futbollin anglez.

LEXONI GJITHASHTU:

• Goleada në Champions League, Manchester City e bën darmë/ Rezultatet e ndeshjeve
• Manchester City në krizë! Guardiola rinovon deri në vitin 2026