Anglia në krye të grupit, merr dhe fitoren e tretë në kualifikuese

Anglia ka rrëmbyer 3 pikët e radhës në grupin K, të kualifikueseve drejt Kupës së Botës, ndërsa mposhti në transfertë Andorrën.

Një kundërshtar i lehtë për 3 luanët, ndërsa u shënua vetëm 1 gol me kapitenin Harry Kane. Skuadra e Thomas Tuchel është favorite e padiskutueshme për ta kaluar më tej si kokë grupi, e siguruar një biletë për botërorin, ku deri më tani nuk ka hasur asnjë problem.

Në sfidën e së shtunës dominimi ishte absolut, ndërsa pjesa e parë u mbyll pa gola, e në fraksionin e dytë ishte Kane që i dha 3 pikët të tijve. Kjo ishte fitorja e 3-të në 3 ndeshje ta zhvilluara nga Anglia, e cila në nisjen e kualifikueseve mposhti Shqipërinë 2-0 dhe më pas Letoninë me 3 gola. Ndeshja e radhës është sërish ndaj Andorrës.

Sa i përket situatës në grupin K, Anglia kryeson e ndjekur më pas nga Shqipëria me 4 pikë, Letonia 3, Serbia 1 dhe Andorra në fund me 0 pikë. Kujtojmë që Serbia ka luajtur vetëm një ndeshje atë me kuqezinjtë tanë, ndërsa Letonia 2, teksa skuadrat e tjera kanë zbritur në fushë 3 herë. Ndeshjet e radhës në këtë grup luhen më 9 dhe 10 qershor.

LEXONI GJITHASHTU:

• Teuta bën përmbysje në “Conference League”, fiton 3-0 në Andorra
• Zyrtare, Milan njofton emërimin e Igli Tares si Drejtor Sportiv