Anija kozmike u përplas në hënë, pse dështoi misioni hapësinor rus

Anija hapësinore ruse “Luna-25” u përplas me hënën pasi hyri në një orbitë të pakontrolluar, bëri të ditur agjencia hapësinore ruse, “Ros-Kozmos”.

Ekspertët thonë megjithatë se misioni arriti shumë, pasi fluturoi drejt hënës, rezistoi dhe testoi pozitivisht pajisjet elektronike dhe shkencore.

Vitaly Yegorov, analist hapësinor në Rusi, deklaroi: “Ndoshta ka një problem elektronik me sistemin e orientimit. Pasi dihet se nisja e “Luna-25” është shtyrë për vite me radhë, ndoshta për 5 vjet. Kjo ishte vetëm për probleme elektronike, që vijnë si pasojë e sanksioneve të vendosura nga Rusia për shkak të aneksimit të Krimesë”.

Sipas ekspertëve, Rusia duhet të arrijë hapin e vendeve të tjera.

“Në rang botëror, Rusia është mbrapa Indisë dhe Japonisë, ndërsa Kina dhe Amerika shkojnë përtej limiteve. Edhe Evropa është përpara, ndaj Rusia duhet t’i arrijë dhe presidenti e kupton këtë. “Luna-25” ishte një prioritet. Tani, projektet pasardhëse do të mbeten dhe financimi i tyre do të ruhet, por argumentet e së kaluarës se ne do të arrijmë të tjerët dhe do t’i lëmë të gjithë pas nuk do të jenë të mjaftueshme”, tha Yegorov.

Përfundimi me sukses i misionit të “Luna-25” do t’u kishte hapur rrugën misioneve të tjera ruse në Hënë, në një kohë kur Kina dhe India po nisin anijet e tyre dhe Shtetet e Bashkuara po kthehen tek misionet me pilotë.

LEXONI GJITHASHTU:

• Rusia kërkon ujë në Hënë, e para ekspeditë pas gati 50 vitesh
• Anija kozmike ruse Luna-25 përplaset në Hënë