Anketa e Bankës Botërore: Besimi i shqiptarëve tek gjykatat u dyfishua në pesë vjet

18 Maj 2026 | 19:50

Shqipëria doli sot me rezultate të spikatura në Anketën Rajonale të Drejtësisë 2025, realizuar nga Banka Botërore dhe Komisioni Evropian. Të dhënat tregojnë përmirësim të ndjeshëm në të gjitha dimensionet kryesore të sistemit gjyqësor krahasuar me vitin 2020.

Shifrat flasin vetë: besimi i qytetarëve tek gjykatat është dyfishuar — nga 26% në 53%. Pavarësia institucionale, dimensioni me rritjen më të madh, ka shënuar +30%. Qytetarët që e shohin reformën me sy pozitiv kanë kaluar nga 34% në 56%, ndërsa ata me perceptim negativ janë ulur nga 38% në vetëm 17%.

Reduktimi i korrupsionit perceptohet si arritja kryesore e kësaj periudhe.

Ministri i Drejtësisë, Toni Gogu, e pranoi hapur edhe sfidën që mbetet: 72% e qytetarëve nuk e konsiderojnë sistemin financiarisht të përballueshëm.

“Ky hendek nuk na turpëron — na orienton. Drejtësia që kushton shumë nuk është drejtësi për të gjithë”, tha Gogu në fjalimin e tij përshëndetës.

Ministria ka njoftuar tre masa konkrete si përgjigje: zgjerimin e ndihmës juridike falas, digjitalizimin e plotë të sistemit të menaxhimit të çështjeve deri në dhjetor 2027, dhe forcimin e kapaciteteve njerëzore — 100 vende stafi administrativ dhe 35 kuota për ndihmës magjistratë të miratuara vetëm këtë vit.

“Këto të dhëna nuk do t’i përdorim si trofe. Do t’i përdorim si busull — sepse Brukseli nuk pyet vetëm për ligjet, por për besimin që qytetarët kanë tek ligjet”, theksoi Ministri Gogu.

Anketa përfshin të gjitha vendet e Ballkanit Perëndimor dhe përbën një nga instrumentet kryesore të monitorimit të drejtësisë në kuadër të procesit të integrimit evropian.

Home Kryefaqja
Shiko në: YouTube
Lajme të Sugjeruara

Projektligji për “tokat bujqësore”, Gjiknuri voton kundër, debaton me Bylykbashin dhe Manjën

Komisioni për Çështjet Ligjore dhe Administratën Publike shqyrtoi projektligjin për ndryshimet në ligjin “Për mbrojtjen e tokës bujqësore”, ku debatet u përqendruan te ndikimi i...
11:18 | 14/07/2026

Ish-kryebashkiaku socialist i Divjakës merret i pandehur nga SPAK për shpërdorim detyre

Një tjetër ish-kryebashkiak socialist merret i pandehur nga SPAK. Fredi Kokoneshi, që ka drejtuar Divjakën akuzohet për shpërdorim detyre kryer ne bashkëpunim, bashkë me disa...
11:15 | 14/07/2026

Vrasja e Renis Dobrës, GJKKO zgjat me 3 muaj hetimet për vëllezërit Bushgjokaj

Më kërkesë të SPAK, Gjykata e Posaçme zgjati me 3 muaj hetimet për tre vëllezërit Aleksandër, Kristi dhe Fation Bushgjokaj si dhe për Petrit Çakri,...
11:09 | 14/07/2026