Anoreksia nga rrjetet sociale, Brataj: Shkaku i dytë i vdekjes tek të rinjtë

Dëshira për t’ju përngjasuar modeleve që shfaqen në rrjetet sociale i ka future në grackë adoleshentët në të gjithë botën. Drejtori i urgjencës Kombëtare Skënder Brataj në një intervistë për Euronews Albania thotë se tashmë vdekjet nga anoreksia janë shkaku i dytë pas traumave tek adoleshentët.

 “Sidomos tek moshat e adoleshencës, nën 20 vjeç. Të cilët nëpërmjet orëve të zgjatura në internet shikimit të modeleve të ndryshme sidomos këto montazhet që bëhen nga prodhuesit e modës, shkaktojnë çrregullime të ushqimit tek të rinjtë, sidomos anoreksi, gjë e cila në një studim të fundit në Itali ishin 4000 vdekje në këto mosha për shkak të çrregullimeve ushqimore”- tha Skënder Brataj, drejtor i urgjencës kombëtare.  

Për drejtorin e urgjencës mjekësorë ky është një sinjal që nuk duhet anashkaluar.

“Është një alarm një urgjencë e re mjekësore që po shfaqet dhe ne e dimë shumë mirë dhe në ambientet tona dhe sidomos fëmijët para tv, tablet, smartphonë, apo veçanërisht adoleshentët duhet menjëherë të merren masa sepse është një urgjencë e re që po kushton jetë njerëzisht, është shkaku i dytë i vdekjes pas traumës në këto mosha.”

Ekspertët thonë që  pasojat negative nga keqpërdorimi i teknologjisë janë të gjithë anshme. Duke nisur nga abuzimet online deri tek dëmet shëndetësore nga qëndrimi me orë të gjata para pajisjeve inteligjente.

LEXONI GJITHASHTU:

• Gjykata e Lartë vendos mospranimin e rekursit të Malltezit dhe Berishës
• Kievi raporton për shtatë të vdekur pasi sulmi me dron fundosi anijen ruse