Apeli i analistit pro-Kurti: Rama ta qetësojë Ballkanin, ta dojë më shumë Kosovën!

Analisti Krenar Shala tha në një intervistë për Euronews Albania se kryeministri i Shqipërisë Edi Rama po sillet më shumë si ndërkombëtar se sa si udhëheqës i kombit.

Sipas tij, Rama më tepër po përpiqet t’u pëlqejë ndërkombëtarëve, që po e përdorin si një partner i besueshëm për stabilizimin e rajonit, gjë që siç tha nuk po e bën.

“Rama më shumë po duket si ndërkombëtar se sa udhëheqës i vendit tonë. Unë besoj se ai mund të duket edhe shqiptar, edhe ndërkombëtar, s’e përjashtojnë njëra-tjetrën. Ai më shumë po përpiqet të jetë në sytë e ndërkombëtarëve, që janë duke e përdorur si një partner i besueshëm që do të ofronte më shumë stabilitetin në Ballkanin Perëndimor, por me deklaratat e tij Rama më shumë është duke cenuar stabilitetin në Ballkanin Perëndimor. Rama duhet ta kuptojë se  kjo nuk është mënyra as për të ndihmua Kosovën dhe as për ta qetësuar Ballkanin”, tha analisti.

LEXONI GJITHASHTU:

• Berisha: Rama i trajton kryeministrat e Kosovës, si kryebashkiakë të Vlorës
• Deputeti socialist: Rama sillet si patriot, por jo si nacionalist