Apeli i Kryemadhit: O në rrugë, o do mbyllim gojën për burgun e radhës

Deputetja Monika Kryemadhi, në një prononcim për mediat pas arrestimit të ish-bashkëshortit të saj, Ilir Meta, shprehu skepticizmin e saj ndaj reformës në drejtësi.

Ajo theksoi se ka votuar për këtë reformë, por e sheh si selektive dhe të lidhur ngushtë me politikën.

Kryemadhi sugjeroi se ka dy alternativa: të dalin në protestë në mënyrë të vazhdueshme ose të mbeten në shtëpi dhe të presin pa vepruar, me shanset që dikush tjetër nga opozita të burgoset.

Ajo kritikoi deklaratat e SPAK-ut, duke thënë se ato duken si një shërbim për Edi Ramën, dhe e inkurajoi ndërkombëtarët të mos e akuzojë për sabotim, pasi u përpoq të kontribuojë përmes padive për inceneratorët.

“Nuk kam besuar tek kjo reformë, e kam votuar këtë reformë. Ne kemi dy rrugë, o të dalim në rrugë dhe të mos ikim më nga rruga, jo të dalim të bëjmë protest një orë e të bëjmë xhiro. Ose do mbyllim gojën, të rrimë të gjithë në shtëpi edhe të presim rradhën. Unë nuk e kam besuar kurrë reformën në drejtësi sepse është selektive. Nuk besoj tek një reformë në drejtësi, ku dje deklarata e SPAK-ut tergoi haptazi që je Departamenti i Marrdhënieve me Publikun për Edi Ramën. Unë ndërkombëtarëve do t’jua jap shansin , që nesër të mos më thonë që ti nuk kontribuove, por e sabotove”, tha Kryemadhi.