“Arabia Saudite vret qindra emigrantë”, HRW: Krim kundër njerëzimit

Arabia Saudite është vendosur në qendër të kritikave të organizatës Human Rights Watch (HRW), e cila denoncon vrasjen e qindra emigrantëve brenda këtij viti në kufirin jugor të vendit.

Qindra mijëra banorë të Etiopisë përpiqen të kalojnë nëpërmjet Jemenit në mbretërinë e pasur të Gjirit, por shumë prej tyre vriten në mënyrë barbare.

Duke cituar dëshmi të emigrantëve, por edhe pamje satelitore nga burime të ndryshime, organizata që mbron të drejtat e njeriut akuzon Riadin se po vrasin qindra emigrantë dhe azilkërkues në zonat e largëta kufitare, larg syve të pjesës tjetër të botës.

“Miliardat e shpenzuara” në sport dhe argëtim “për të përmirësuar imazhin e Arabisë Saudite” nuk duhet të shmangin vëmendjen nga “këto krime të tmerrshme”, specialistja e emigracionit në këtë organizatë, Nadia Hardman.

Emigrantët rrëfejnë për “armë shpërthyese”, të shtëna dhe denoncojnë rojet kufitare saudite se pyesin etiopianët se në cilën pjesë të trupit duan të qëllohen.

Autoritetet saudite nuk i janë përgjigjur kërkesave të mediave ndërkombëtare për këto denoncime.

LEXONI GJITHASHTU:

• Arabia Saudite blen dronë Bayraktar gjatë vizitës së Erdoganit
• Rriten çmimet e naftës, Arabia Saudite do zvogëlojë sasinë e prodhimit