Arben Ristani për përjashtimin e Berishës: Vendim jo-statutor dhe ligjërisht ‘nul’

Ish-sekretari i përgjithshëm në PD, Arben Ristani thotë se kryetari i partisë nuk ka të drejtë statutore të përjashtojë nga grupi parlamentar një deputet, në rastin konkret ish-drejtuesin Sali Berisha.

“Në mënyrë absolute, kryetari i partisë nuk ka të drejtë statutore të marrë vendime të tilla”, tha ai në emisionin “Now” në Euronews Albania.

Ai shkoi më tej duke thënë se përderisa kjo vendimmarrje nuk është bazuar në statut, ajo ligjërisht mund të konsiderohet nul, gjë të cilën e ka artikuluar edhe vetë ish-kryeministri Berisha.

“Vendimmarrja është jo-statutore, duke e qenë e tillë, sigurisht që është nul ligjërisht mbi bazën e statusit”, tha ai.