Arben Shkodra bën thirrje për një pakt të madh ekonomik

Sekretari i Përgjithshëm i Bashkimit të Prodhuesve Shqiptarë, Arben Shkodra tha se në teksturën e ekonomisë shqiptarë 60 mijë të vetëpunësuar janë shumë.

“Nga njëra anë kemi politika të gabuara fiskale, nga ana tjetër dalim dhe joshim njerëzit të bëjnë biznes dhe patjetër që duhet të jenë të lirë të bëjnë biznes, por nga ana tjetër nuk kemi punonjës,” – u shpreh Shkodra.

Sipas tij e gjithë politika është përgjegjëse për këtë situatë, sidomos politika post COVID, që në gjykimin e tij duhet të ulet dhe të bëjë një pakt të madh për ekonominë.

Pakti post COVID nuk mund të jetë për shëndetësinë sepse ai është i detyrueshëm, por për ekonominë që është shumë i nevojshëm.

“Për interesa elektorale politikanët tanë premtojnë çdo dy vjet çudira dhe në fund kemi këtë situatë që kemi,” – tha Shkodra i cili solli në vëmendje se këto lidhen dhe me problemet në arsim duke qenë se sot ka mungesë të punonjësve të kualifikuar.

LEXONI GJITHASHTU:

• Ekonomi publike apo private? Çfarë preferojnë shqiptarët