Arben Tafaj: Në listën e “Bashkë fitojmë” ka qytetarë autoktonë të Tiranës

Arben Tafaj, kandidati për Këshillin Bashkiak nga koalicioni “Bashkë Fitojmë” ka folur së fundmi në Euronews Albania, ku tha se prag fushata për zgjedhjet e 14 majit ka nisur e qetë ndërsa uroi që kështu të vazhdojë deri në fund.

Ai shtoi se në listën e kandidatëve për këshillin bashkiak ka një numër qytetarësh autoktonë me profesione të ndryshme.

Më tej ai nënvizoi se në listë ka dhe njerëz nga shtresa e të persekutuarve.

“Për të qenë të sinqertë besoj që së paku dy listat kryesore të dy forcave kryesore politike , janë munduar dhe kanë bërë përpjekje për të qenë  gjithëpërfshirës, gjithsecili në mënyrën e vet. Lista e “Bashkë Fitojmë”, ka një numër të konsiderueshëm qytetarësh autoktonë të cilët më vetvete janë përfaqësues të ndryshëm të ekspertizë. Në listë ka dhe njerëz që vijnë nga shtresa të persekutuarve. Është hera  e parë që ky komunitet përfaqësohet kaq denjësisht në listën e Këshillit Bashkiak.

Qytetarët autoktonë të Tiranës kanë të drejtë të kenë një fjalë më tepër se gjithkush tjetër. Qytetarët e Tiranës duhet të ishin të përfaqësuar dhe në listat e tjera”- tha ai.

LEXONI GJITHASHTU: 

• Do rikthehen në Hënë pas 50 vitesh, NASA zbulon emrat e 4 astronautëve
• Përplasen dy makina në aksin rrugor Bilisht-Kapshticë, plagosen 2 persona