Arkeologët në Turqi gjejnë statujë spektakolare prej mermeri të Hermesit

Arkeologët kanë gjetur një statujë mermeri të ruajtur jashtëzakonisht mirë të Hermesit, perëndisë së tregtisë dhe emisarit të Zeusit, gjatë gërmimeve në qytetin e lashtë turk Aspendos pranë Antalias, njoftuan sot mediat turke.

Gërmimet në këtë vend po kryhen si pjesë e projektit “Trashëgimia për të Ardhmen” të Ministrisë së Kulturës dhe Turizmit të Turqisë, raporton Turkiye Today.

Statuja u zbulua pranë një shatërvani monumental në portën jugore të zonës Aspendos.

Një skulpturë mermeri e Hermesit, e njohur si perëndia e mikpritjes, diplomacisë, konkurrencës dhe astronomisë në mitologjinë greke, u zbulua në copa gjatë gërmimit, por u gjetën pothuajse të gjitha fragmentet e saj.

Të gjitha pjesët e statujës 1.65 metra të gjatë janë montuar. Kjo vepër arti daton nga fundi i shekullit të dytë ose fillimi i shekullit të tretë para Krishtit. Statuja do të restaurohet dhe më pas do të ekspozohet për publikun.

Në kuadër të gërmimeve në këtë vend, u gjetën edhe kokat e statujave të perëndeshave Afërditë dhe Eros, si dhe pjesë të skulpturave të Artemidës dhe Nemesisë.

LEXONI GJITHASHTU:

• Arkeologët zbulojnë helmetën e rrallë romake, gjenden dhe armë 1600-vjeçare
• Zbulohet varri i parë faraonik në 100 vitet e fundit