Arkeologët zbulojnë një varkë të lashtë në brigjet e Aleksandrisë

Një varkë e lashtë egjiptiane është zbuluar pranë brigjeve të Aleksandrisë, duke shkaktuar eufori në komunitetin arkeologjik. Varka që daton nga gjysma e parë e shekullit të parë ishte 35 metra e gjatë. Varka u zbulua pranë ishullit të fundosur të Antirhodos, i cili ishte pjesë e Portit të Madh të Aleksandrisë.

Historani grek Straboni i cili vizitoi qytetin egjiptian rreth viteve 29-25 para Krishtit, shkroi për këto anije duke i përshkruar për mënyrën luksoze që ishin të arreduara dhe se përdoreshin nga oborri mbretëror për ekskursione.

Gërmimet u kryen nga Instituti Evropian për Arkeologjinë Nënujore (IEASM), nën drejtimin e Frank Godiot, profesor i arkeologjisë detare në Universitetin e Oksfordit.

“Është jashtëzakonisht emocionuese, sepse është hera e parë që një varkë e tillë zbulohet në Egjipt”, tha ai për The Guardian.

Projektet më ambicioze të Godiot janë realizuar pranë brigjeve të Egjiptit, në portin lindor të Aleksandrisë dhe në Gjirin e Abu Kir. Në bashkëpunim me Ministrinë Egjiptiane të Antikiteteve, ai ka eksploruar dhe zbuluar një zonë të gjerë që nga viti 1992.

Hipoteza fillestare e Godiot ishte se ishin dy varka, njëra mbi tjetrn  pasi sipas tij lloji i ndërtimit ishte shumë i çuditshëm. Sipas tij harku është i sheshtë dhe pjesa e pasme është e rrumbullakë në mënyrë që të mund të lundrojë në ujëra shumë të cekëta.

LEXONI GJITHASHTU:

• Gjermania kritikon strategjinë e sigurisë së SHBA-së për “tonet kritike ndaj BE-së”
• Aktorja Halle Berry përplaset me guvernatorin e Kalifornisë: Po injoron gratë