Arratisja e bandës Barrio 18 nga burgu, shkarkohet nga detyra ministri në Guatemalë

Ministri i brendshëm i Guatemalës, Francisco Jimenez është shkakuar të mërkurën nga detyra pas arratisjes së 20 anëtarëvë të bandës së rrezikshme “Barrio 18” nga një burg. Presidenti socialdemokrat i Guatemalës, Bernardo Arevalo në një fjalim televiziv theksoi se janë shkarkuar nga detyra edhe dy zëvendësministra.

Autoritetet kanë rritur masat e sigurisë në burgje dhe në kufijtë me El Salvadorin, Hondurasin dhe Meksikën, dhe qeveria po ofron shpërblime për informacionin që çon në arrestimin e të arratisurve.

Arevalo njoftoi ndërtimin e një burgu me siguri maksimale të projektuar për të strehuar deri në 2,000 anëtarë të bandave.

“Siguria e Guatemalës është jetike dhe nuk ka kohë për të humbur”, shpjegoi ai.

Bandat rivale Barrio 18 dhe Mara Salvatrucha, të cilat tani janë cilësuar si organizata “terroriste” nga Uashingtoni, pretendojnë kontrollin e pjesëve të Guatemalës, ku ato angazhohen në zhvatje nga tregtarët, transportuesit dhe qytetarët e tjerë. Nëse objektivat e tyre refuzojnë të paguajnë, ata shpesh vriten. Ato veprojnë edhe në vende të tjera të rajonit.