Arrestimi i infermiereve në azilin ku u vra i moshuari, zbardhen akuzat

Policia arrestoi ditën e enjte dy infermieret e azilit privat në Tiranë, ku 78-vjeçari Zyhdi Shehi qëlloi për vdekje me bastun shokun e dhomës, 82-vjeçarin, Virxhil Veshi.

Përmes  një komunikate zyrtare këtë të premte policia ka zbardhur dhe akuzn që rëndon mbi punonjëset e azilit.

Dyshohet s edy infermieret në bashkëpunim me njëra tjetërn kanë konsumuar veprën penale “Veprime që pengojnë zbulimin e së vërtetës”.

Dy infermeret e moshave 26-vjeçe dhe 31-vjeçe nuk kanë informuar organet kompetente për ngjarjen e ndodhur.

“Në vijim të veprimeve hetimore të thelluara të kryera u arrestuan shtetaset G. S., 26 vjeçe, dhe N. M., 31 vjeçe, të dyja banuese në Tiranë, me profesion infermiere në azilin ku akomodoheshin dy të moshuarit.

Nga hetimi i kryer u siguruan prova të mjaftueshme që krijojnë dyshimin e arsyeshëm se dy të arrestuarat në bashkëpunim me njëra-tjetrën, kanë konsumuar veprën penale “Veprime që pengojnë zbulimin e së vërtetës”, parashikuar nga neni 301/25 i Kodit Penal.

Këto dy shtetase nuk kanë njoftuar organet kompetente për ngjarjen e ndodhur si dhe kanë kryer veprime që pengojnë zbulimin e së vërtetës. Materialet i kaluan Prokurorisë”, thuhet në njoftimin e policisë.

Si ndodhi ngjarja?

Dy të moshuarit janë konfliktuar me njërin tjetrin për krevatin.

“Pse më ke zenë krevatin”- mësohet t’i ketë thenë Shehi 82-vjeçarit, përpara se ta qëllonte për vdekje me një bastun.

Ai e qëlloi disa herë në pjesë të ndryshme të trupit dhe në kokë, duke e lënë 82-vjeçarin të vdekur në vend.

LEXONI GJITHASHTU:

• Krim në azilin e pleqve në Tiranë, 78-vjeçari vret shokun e dhomës me shkop
• Krimi i dyfishtë në Konispol, 2 vrasjet ndodhën në praninë e mbesës 10-vjeçare