Krim në azilin e pleqve në Tiranë, 78-vjeçari vret shokun e dhomës me shkop

Një krim i rëndë ka ndodhur mëngjesin e së enjtes në një azil pleqsh në Tiranë.

Policia tha se një 78-vjeçar, banues në një azil privat për të moshuarit ka vrarë me bastun (shkop hekuri) shokun e tij të dhomës, 82 vjeç.

Euronews Albania mëson se dy të moshuarit Zyhdi Shehu 78 vjeç dhe viktima Virxhil Vesho, 82 vjeç janë konfliktuar me njërin-tjetrin për krevatin.

“Pse më ke zenë krevatin”- mësohet t’i ketë thenë Shehu 82-vjeçarit, përpara se ta qëllonte për vdekje me një bastun.

Autori e ka qëlluar disa herë në pjesë të ndryshme të trupit dhe në kokë, duke e lënë 82-vjeçarin të vdekur në vend.

Sipas informacioneve paraprake bëhet me dije se si autori ashtu edhe viktima vuanin nga skleroza.

LEXONI GJITHASHTU:

• Krimi i dyfishtë në Konispol, 2 vrasjet ndodhën në praninë e mbesës 10-vjeçare
• Saga e krimeve: 69-vjeçari vrau gruan me sëpatë, babai kishte vrarë 3 gra të tjera