Arrestohen 2 persona, vodhën karburant në biznesin ku punonin

Policia e Tiranës ka arrestuar 2 persona, pasi kanë vjedhur një sasi karburanti në biznesin ku punonin.

Në prangat e policisë kanë rënë Alban Kopaci dhe Miklovan Veliu për veprën penale “Vjedhja”.

Të dy të arrestuarit ishin të punësuar si agjentë shitjesh në një fabrikë për përpunimin e qumështit dhe në periudha të ndryshme kohore, në bashkëpunim me njëri-tjetrin, kanë vjedhur sasi karburanti nga automjetet që përdornin për të shitur produktet e fabrikës.

Nga verifikimet e kryera ka rezultuar se gjatë muajit të fundit, ata kanë vjedhur rreth 250 litra karburant, nga automjetet që ata përdornin për punën.

LEXONI GJITHASHTU:

• Tjetërsuan godinën në Tiranë, pezullohen nga detyra 7 zyrtarë të Kadastrës
• Nën hetim për pastrim parash biznesmeni në Durrës