Arrestohen 4 shkodranë në Vlorë, transportonin 29 emigrantë ilegalisht

4 shtetas nga Shkodra janë arrestuar në Vlorë në përpjekje për të transportuar ilegalisht 29 emigrantë drejt vendeve të Bashkimit Evropian, kundrejt pagesës.

3 prej tyre lëviznin me një automjet privat për të monitoruar nëse kishte apo jo prani të policisë në rrugë, ndërsa njëri prej tyre bënte transportin nëpërmjet një furgoni.

2 automjetet dhe celularët e 4 të arrestuarve janë sekuestruar.

“Të 4 këta shtetas bashkëpunonin me njëri-tjetrin, për të kryer transportimin kundrejt pagesave, të 29 emigrantëve, me qëllim kalimin e kufirit në mënyrë të kundërligjshme. Shtetasi B. F. drejtonte furgonin me të cilin transportoheshin emigrantët, ndërsa 3 shtetasit e tjerë të arrestuar, lëviznin me një automjet tjetër, me qëllim monitorimin e rrugës së kalimit nga Saranda drejt Shkodrës, për të shmangur shërbimet e Policisë,” thuhet në njoftimin e policisë.

Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.

LEXONI GJITHASHTU:

• Foto| Besimtarët në Korçë e Vlorë festojnë Fitër Bajramin
• Sunak u heq kompetencat gjyqtarëve, s’mund të bllokojnë më dëbimet e emigrantëve