Arrestohen babë e bir në Tiranë, sekuestrohet një pistoletë dhe doza kokaine

Forcat e policisë të Komisariatit Nr.4 organizuan opercionin “Midnight” duke vënë në pranga 37-vjeçarin R. Z., për veprat penale “Armëmbajtja pa leje” dhe “Prodhimi dhe shitja e narkotikëve” dhe babain e tij B. Z., 65 vjeç, për ”Veprime që pengojnë zbulimin e së vërtetës”, të dy banues në Tiranë.

“Policia ndaloi për kontroll një automjet në rrugën “Niko Avramo”, ku drejtuesit të tij shtetasit R. Z., iu gjet lëndë narkotike e dyshuar kokainë.

Në vijim të veprimeve gjatë kontrollit në banesën e këtij shtetasi, u sekuestruan 1 armë zjarri pistoletë, municion luftarak dhe një sasi e dyshuar lëndë narkotike kokainë, e ndarë në doza, gati për shitje, me peshë totale rreth 36 gramë ndërsa babai i 37-vjeçarit, shtetasi B. Z., sapo ka parë shërbimet e Policisë, ka tentuar të hedh lëndën narkotike në lavaman dhe të hedhë nga ballkoni armën e zjarrit”.

Materialet i kaluan Prokurorisë, për veprime të mëtejshme procedurale.

LEXONI GJITHASHTU:

• Tiranë/ I riu kapet me armë në brez, si ra policia në gjurmët e tij
• Dhunoi ish-bashkëshorten dhe avokatin, arrestohet 35-vjeçari në Fier