Arrestohen dy ukrainas në Bukuresht për tentativë sabotazhi

Dy shtetas ukrainas, të dy në shërbim të agjencive sekrete ruse, u arrestuan në Bukuresht këtë javë. Autoritetet në Rumani thanë se operacioni u krye në bashkëpunim midis Shërbimeve sekrete Polake dhe atyre rumune.

Dy të arrestuarit akuzohen për tentativë sabotimi. Qëllimi i tyre dyshohet të ketë qenë djegia një objekti të rëndësisë së veçantë në kryeqytetin e Rumanisë.

Bëhet fjalë godinën ku ndodhet zyra kryesore postare e Rumanisë. Autoritetet rumune thanë se nëse zjarri do të kishte shpërthyer zjarri do të kishte shkaktuar dëme të mëdha edhe në godinat përreth.

Sipas policisë, dy të arrestuarit do të përdornin paketa zjarrvënëse të pajisura lidhje elektronike që mundësonin ndezjen në distancë.

Lënda djegëse ishte e përbërë nga termiti, një përzierje kimike e bërë nga pluhur metalik dhe okside metalesh, e cila krijojnë temperatura ekstreme pasi marrin flakë.

Dy të arrestuarit mbeten në paraburgim për të paktën 30 ditët e ardhshme ndërsa prokurorët po hetojnë për bashkëpunëtorë të tjerë.

LEXONI GJITHASHTU:

• Britania gati të shpenzojë mbi 100 milionë paund për vendosjen e trupave në Ukrainë
• Mospajtime për zgjidhjen e konfliktit në Ukrainë, shtyhet takimi Lavrov–Rubio