Mospajtime për zgjidhjen e konfliktit në Ukrainë, shtyhet takimi Lavrov–Rubio

Takimi i shumëpritur midis Ministrit të Jashtëm të Rusisë, Sergey Lavrov, dhe Sekretarit të Shtetit të SHBA-së, Marco Rubio, është shtyrë për një kohë të pacaktuar, raportoi CNN të hënën.

Takimi, i cili ishte planifikuar të zhvillohej gjatë ditëve të fundit, nuk do të mbahet këtë javë, ndërsa arsyet zyrtare për shtyrjen ende nuk janë bërë të qarta.

Zëvendësministri i Jashtëm rus, Sergey Ryabkov, deklaroi se nuk është arritur asnjë marrëveshje për kohën dhe vendin e zhvillimit të takimit, dhe se diskutimet janë ende në proces.

Sipas burimeve të CNN, një ndër arsyet kryesore të vonesës janë mospajtimet midis dy diplomatëve për mënyrën e zgjidhjes paqësore të konfliktit në Ukrainë. Palët duket se mbajnë qëndrime të kundërta për kushtet dhe format e një marrëveshjeje të mundshme.

Shtyrja e këtij takimi mund të ndikojë në përpjekjet ndërkombëtare për uljen e tensioneve mes Moskës dhe Uashingtonit, në një kohë kur kriza në Ukrainë vazhdon të rëndojë në marrëdhëniet ndërkombëtare.

LEXONI GJITHASHTU:

• Trump: Nuk mendoj se Ukraina mund të fitojë luftën kundër Rusisë
• BE kritikohet për pezullimin e sanksioneve ndaj Izraelit